Azərbaycan Respublikası Mədəniyyət Nazirliyi

Kürdəmir Regional Mədəniyyət İdarəsi

Kürdəmir şəhəri
Şirvan düzündə yerləşən Kürdəmir rayonu Kür çayının sol sahili boyunca uzanır. Rayonun mərkəzi Kürdəmir şəhəridir. Subtropik iqlimə malik olan bu rayonda yay fəsli çox isti keçir. Rayon ərazisində canavar, çaqqal, tülkü və qaban kimi heyvanlar, qırqovul, turac, qaz, ördək və başqa quşlar geniş yayılmışdır. Kürdəmir rayonu məşhur «Şirvanşahı» üzüm növünün vətəni sayılır. Kürün sahilində, rayon mərkəzindən 25 km məsafədə yerləşən Mollakənd kəndindəki «Şəfqət» sanatoriyası Carlı deyilən yerdə çıxan isti radon su bazasında işləyir. Eyni vaxtda 50 nəfərə xidmət edə biləcək bu sanatoriyada dincələnlər üçün üzgüçülük hovuzu da tikilmişdir. Kürdəmir rayonunda qədim xalq sənəti xalçaçılığın zəngin ənənələri var. Yerli sənətkarların toxuduqları «Şilyan» xalçaları çoxdan məşhurlaşıb. Harada qalmaq olar Yerli əhalinin icarəyə verdiyi münasib şəraitli və rahat evlərdə qalmaq mümkündür. Harada nahar etmək olar «Leyli» Şadlıq evinin restoranında, həmçinin, kafe və qəlyanaltılarda ləziz xörəklərdən dadmaq olar.